Сименсовиот проект eCorner

Иако автомобилските индустрии и компании повеќе личат на маркетинг агенции, сепак некои идеи вредат да се погледнат одблиску, тоа е таканаречената суспензија во секое поединечно тркало од колата (in-wheel suspension).

Инженерите на Сименс и инженерите на VDO веќе подолг период работат на интеграција на контролата на воланот, амортизацијата, сопирачките и погонот (drivetrain) директно во траклото на возилото, поточно така нареченото in-wheel.

Концептот наречен eCorner е база за еколошките (Drive-by-Wire) автомобили, поточно електромобили, кои според футуристите би требало да бидат вообичаена работа во наредните 10 до 15 години. eCorner ја менува конвенционалната суспензија со хидраулични шок абсорбери, механичкото управување-волан, хидраулични кочници и повеќе од тоа, ја менува идејата за конвенционалните мотори со внатрешно согорување. Практично, целта е сите компоненти кои се распоредени под хаубата и во тркалата и на разни други делови од колата да се вградат во самото тркалото или тоа што се вели, in-wheel suspension.

За сопствениците на возилата ова ќе значи далеку помала потрошувачка, повеќе сугурност и поголема удобност или ако сакате погодност. eCorner ќе им овозможи на дизајнерите поголема слобода да ги креираат футуристичките концепти на коли со супериорна електроника и електрично управување кое можеме да го видиме во научно-фантастичните филмови.

LG Chem ќе почне со произвоство на батерии во Мичиген

LG Chem
LG Chem

Јужнокорејската LG Chem ќе почне со производство на батерии за електромобили во Мичиген во втората половина од 2013. Компанијата се обидува да го обнови производството, иако побарувачката за електромобили не е на планираното ниво. Пробното производство ќе започне во Јули или Август, најави Ким Јонг-хјуин, одговорниот во одделот за батерии во LG Chem.

Американската влада одвои 150 милиони долари за финансирање на проекти за батерии, а LG Chem сама инвестира во фабрика во Мичиген за литиумско-јонски батерии вредна 304 милиони долари, со кои би снабдила околу 60.000 возила со батериски пакет, до крајот на 2013.

LG Chem обезбедува батерии за електромобилите на Шевролет – ВОЛТ и за електромобилот на Форд – Фокус Електрик од своите фабрички хали во Јужна Кореа.

Според инженерите во LG Chem, кога цените на електромобилите ќе се намалат, пазарот ќе се отвори и поголем број на електромобили ќе се возат по автострадите. Според нив, плаг-ин електричните возила имаат поголем потенцијал, отколку хибридите, бидејќи производителите потешко успеваат да се издвојат од конкуренцијата покрај строгите регулативи за помал ЦО2 отисок кои се повеќе се наметнуваат од регулаторните државни тела.

LG Chem обезбедуваат батерии и за Рено, но пазарот сеуште е лимитиран поради цените на електромобилите.

LG Chem која е дел од конголомератот LG Group произведуваа хемиски производи и обезбедува литум-јонски батерии за смартфон мобилните уреди за Apple и LG Electronics.

Супер-кондензатор како извор на енергија

Eден од најголемите проблеми во енергетиката претставува акумулирањето на енергијата. Постојат различни извори на енергија, меѓутоа проблемот е во тоа што истата мора да биде искористена во моментот кога е создадена. Енергијата може да биде акумулирана на различни начини, најчесто со трансформација од еден во друг вид, за подоцна да биде искористена според потребите. До сега скоро сите познати начини и методи за складирање на енергијата имаат една голема негативност, а тоа се големите загуби коишто настануваат при трансформацијата од еден во друг вид на енергија. На пример, електричната енергија може да се акумулира преку загревање на одреден медиум (најчесто вода), за подоцна според потребите топлинската енергија со помош на генератор повторно се трансформира во електрична.

graphene
graphene

Науката секојдневно работи на пронаоѓање на нови начини за акумулирање на енергијата, но истовремено ги усовршува и постоечките. Едно од најинтересните откритија, претставува акумулирањето на енергијата со помош на супер-кондензатор.
Овие супер-кондензатори имаат можност да ги испратат батериите во историја. Најновите истражувања покажуваат дека кондензаторите произведени од графен се полнат и до 100 пари побргу од обичните батерии. Ова значи дека смарт телефоните би можеле да ги наполните за неколку секунди, а електричните автомобили само за неколку минути!

Структура на графен

Уште во минатата година е дојдено до неверојатни откритија во врска со материјалот графен. Истражувањата се продолжени, а професорот Ричард Кејнер успеал да направи метод за производство на висококвалитетни листови од графен со помош на обичен ДВД диск.

графен апликација
графен апликација

До клучниот пронајдок дошол неговиот соработник во лабораторијата, Мејер Ел Кеди, кој открил дека лист од графен кој би се полнел само неколку секунди може да напојува сијалица цели 5 минути. Се испоставило дека тие откриле средство за чување на енергијата со револуционерни можности. До сега научниците успеале на еден ДВД диск, за помалку од 30 минути, да направат повеќе од 100 микросуперкондензатори со густина на моќноста од 200 W/cm, што е највисока остварена вредност до сега.

Извор: Отпорник