Технички-специјализирана работа, без работник (роботика 2)

i robot
i robot
Пишува: Џон Маркоф

Наредната генерација роботи ќе бидат далеку попрецизни, флексибилни и полесни за „тренирање“. Тоа може да се посведочи во фабриката Тесла Моторс, која неодамна почна да го произведува седанот Тесла С во Фримонт, Калифорнија, на маргините на Силиконската долина.

Половина од зградите се запечатени, а ги викаат „темната страна“. Но, во нив се’ уште се произведува Тојота Корола од армија работници, кои своевремено правеле пола милион автомобили годишно. Производството на Тесла Моторс е контраст по себе, брилијантно осветлен. Некои од роботите се фантастични, високи се 2.5 до 3 метра, а потсетуваат на застрашувачкиот „Терминатор“.

Роботите имаат и нешто човечко кога се обидуваат да преминат од една функција кон друга, но додека многу роботи извршуваат само една функција, во новата фабрика на Тесла Моторс, роботите можат да извршуваат до четири функции: заварување, дупчење, лепење/спојување и инсталирање компоненти.

Дневно се произведуваат 83 автомобили или околу 20000 годишно.Осум роботи изведуваат балет околу секое возило, додека тоа застанува на секоја станица по линијата, во период од 5 минути. Дневно се произведуваат 83 автомобили или околу 20000 годишно. Компанијата ќе ја додаде и спортската верзија следната година, откако роботите ќе бидат репрограмирани.

„Хјундаи и Бејжинг Моторс неодамна ја завршија гигантската фабрика, позиционирана надвор од Пекинг, која може да произведе милион возила годишно, користејќи повеќе роботи, а помалку луѓе отколку нивните конкуренти, а со иста флексибилност како и Тесла Моторс“, вели Пол Чау, смел капиталист од Групата Харпер за рано инвестирање во експанзивни бизниси.

Традиционалните и футуристичките системи инсталирани еден до друг во дистрибутивниот центар во Њујорк, покажуваат како роботиката го трансформира начинот на кој производите се дистрибуираат, феномен кој загрозува работни места. Во големопродажниот центар во Њубург, најголемиот дистрибутер во САД, C&S снабдува цел ланец супермаркети. Стариот систем е широк близу осумдесет илјади квадратни метри или осум квадратни километри. Полиците се полнат и празнат од илјадници луѓе, со вилушкари кои постојано циркулираат. Во ноќните часови, складиштата се неподносливи бучни и полни со електрични возила и вработени со слушалки на главите, кои стојат пред борд-компјутери и разговараат со автомат на четири јазици.

Секој ровер е безжично поврзан со централен компјутер и секој од нив се насочува до својата дестинацијаНовиот систем е помал, на околу десет илјади метри квадратни и целиот комплекс е контролиран од мал број техничари. Тие го надгледуваат кафезот на четири спратови со различни нивоа и раководат со 168 ровер роботи. Секој може да се движи со брзина од 40 километри на час. Секој ровер е безжично поврзан со централен компјутер и секој од нив се насочува до својата дестинација, до кутијата со храна која треба да се земе или местото каде треба да се остави за складирање. Тој дига, спушта, вовлекува, вози, поместува на подвижна лента до друга лента на пакети, каде други роботи нив ги преземаат и процесираат. Висока околу 3 метри, роботската рака со шест и седум степени ја има грациозноста и способноста на вешт робот, вртејќи, подместувајќи, подготвувајќи го секој пакет до осум спратови, а потоа обвиткувајќи ги со најлон во поголеми структури на кутии, кои се подготвени за ставање во камиони и разнесување низ земјата. Софтверот е доволно софистициран за да процени кој пакет треба да се земе во секој момент, при што во супермаркетот, работникот точно да знае за кој пакет се работи за да може да се смести на соодветната полица.

Создаден од Симбиотик, компанија од Бостон, овој роботизиран склад е инспириран од компјутерски дизајнери кои развивале алгоритми за ефикасно организирање на податоци во компјутерските тврди дискови. Џим Баум, од менаџментот на Симбиотик, го споредува новиот систем со огромен „паралелен“ компјутер. Системот е толку фрапантно ефикасен, што нема ни една точка на „гушење“; пакетите со храна низ складот се движат низ роботизираниот склад како што дигиталните битови се процесираат од компјутер.

Роботизирана фабрика
Роботизирана фабрика

Централен компјутер, наречен „Мозок“ ја диктира целата работа и им командува на работниците кои копчиња да ги притиснат за да се складира соодветен производЏош Грејвс кој почнал да работи како магационер во предградието на Феникс, во Аризона, согледува колку и како автоматизацијата може да ја направи работата полесна, иако создава стрес и несигурност. Гигантскиот склад каде тој работи дистрибуира суви производи за супермаркетите Крогер. Г-динот Грејвс работи во складот каде неговиот татко работел три децении. Работата била многучасовна и напорна. „Ќе донесеа 15 луѓе, а ќе останеше еден“, вели тој. Денес, г-дин Грејвс вози мала машина-вилушкар која складира и извлекува кутии со различни големини. Ваквата работа не бара физичка сила и има помалку повреди, вели Ром Алоиз, потпретседател на Тимстерс (синдикат на превозници) од Северна Калифорнија. Стресот денес е повеќе психолошки. Централен компјутер, наречен „Мозок“ ја диктира целата работа и им командува на работниците кои копчиња да ги притиснат за да се складира соодветен производ, при што директорите во секој момент точно и прецизно знаат што работниците работат. Пред неколку години, овој склад инсталирал германски систем за автоматско работење со пакети. Тоа елеминирало 106 вработени, што е околу 20 проценти од работната сила. Новиот систем, иницијално бил одржуван од синдикалните работници со високи позиции. Потоа таа работа отишла во германската фирма, која вработила несиндикални работници.

Сега, манаџментот на супермеркетите Крогер планира да изгради супер автоматизиран склад во Толесон. Минатата година, 60 работници отишле пред Градскиот совет да протестираат за тој план, за кој градот се’ уште не одлучил. „Немаме проблем со надоаѓањето на машините“, ќе рече г-дин Грејвс, „но кажете му на Крогер дека не сакаме да ги изгубиме овие работни места.“

Некои работни места се се’ уште недофатливи за автоматизацијата, како работите во градежништвото кои не се повторувачки и кои се на различни места, со различни задачи во одреден момент; линии во производство во кои е потребен временски фидбек при, на пример, ставање на фиберглас панели во авиони, автомобили или бродови или места каде се моделира секој поединечен производ кој е различен од претходниот – нешто што бара интензивно репрограмирање на роботите. Но, тука негде листата се исцрпува.

Во една „спартанска“ гаража во индустриското предградие на Пало Алто, Калифорнија, робот со електрични очи, мал дозер и дел за вшмукување извршува репетитивни движења кои секој слабо платен работник ги прави секој ден, насекаде низ светот.

Постарите роботи не можат да извршуваат такви работи поради системите за компјутерска визија, кои се скапи и лимитирани во контролирани средини, каде осветлувањето е соодветно. Но, благодарение на ефтината стеро-камера, која му овозможува на системот да ги види истите облици и пакети како и човековото око, овој робот може лесно да препознае случајни димензии на лошо поставени кутии и да ги преземе и процесира. Роботот користи технологија измислена од Микрософт, наречена Кинект, систем кој е вметнат во видео конзолата Xbox.

Овие ефтини роботи ќе ја автоматизираат комплетната структура на фирми кои се занимаваат со складирањеОвие ефтини роботи ќе ја автоматизираат комплетната структура на фирми кои се занимаваат со складирање, како Федерал Експрес, Јунајтед Парсел Сервис и DHL. Компанијата која стои зад овој робот, Индастриал Персепшн, е амбициозна, роботски ориентирана фирма од Менло Парк, Калифорнија. Првиот клиент ќе биде фирма која вработува илјадници работници низ своите складови. Секој работник преместува една кутија за 6 секунди во просек, но една кутија може да биде тешка и по 60 килограми, така што кај работниците доаѓа до замор, а добиваат и повреди на грбот. Компанијата покажа дека една кутија може да се премести за 4 секунди, но инженерите тврдат дека тоа наскоро ќе се подобри на една секунда по кутија.

Роботизирана фабрика
Роботизирана фабрика

„Ние сме на почетокот на целосното менување на производството и дистрибуцијата“, ќе каже Гари Брадски, научник за роботика кој е основач на Индастриал Персепшн. „Тоа нема да се случи веднаш, но на крај влијанието за човештвото ќе биде исто толку големо како и појавата на интернетот.“

Извор: www.nytimes.com

Линк до првиот дел од текстот.

Технички-специјализирана работа, без работник (роботика 1)

i robot
i robot
Пишува: Џон Маркоф

Додека повеќето од роботите во автомобилските фабрики типично имаат една функција, во новата фабрика на Тесла во Фримонт, Калифорнија, еден робот може да извршува и до четири функции: заварување, дупчење, лепење/спојување и инсталирање компоненти.

Драхтен, Холандија: во фабриката Филипс Електроника на брегот на Кина, стотици работници ги користат рацете и специјализираните алатки за да склопат електрични бричеви. На стариот начин. Во сестринската фабрика во Холандија, 128 роботи ја прават истата работа со флексибилност како при вежбање јога. Роботите се водени од видео камери со далеку поголема способност од највештиот човек. Една роботска рака може бескрајно да формира три совршено свиткани дела со две жици за поврзување и да ги протнува низ дупчиња кои се невидливи за окото. Раката работи толку брзо што тие мораат да бидат заградени во плексигласни или стаклосолни кафези, кои не дозволуваат да дојде до повреда на луѓето кои ја надгледуваат работата. Тие тоа го прават без потреба од кафе пауза, во три смени, 365 дена во годината. Во Холандија работат само една десетина од луѓето, споредено со фабриката во Кина, во градот Зхухаи.

Нов бран на роботи, далеку поприлагодливи од оние кои денес обично се користат од автопроизводителите и од другата тешка индустрија, ги заменуваат работниците низ светот. Ова е иднината. Нов бран на роботи, далеку поприлагодливи од оние кои денес обично се користат од автопроизводителите и од другата тешка индустрија, ги заменуваат работниците низ светот, како во производството, така и во дистрибуцијата. Оваа фабрика во Холандија е контрапункт на фабриките во сопственост на Фокскон, кои Епл и други гиганти од консумерската електроника ги користат, а кои вработуваат стотици илјади технички ниско обучени работници.

Autonomous robot
Autonomous robot

„Со овие машини, ние можеме да направиме секаков уред“, вели Бине Висер, електротехнички инженер, кој работи во менаџментот на фабриката на Филипс во Драхтен. Директорите и технолошките експерти од разни индустрии велат дека пристапот на Филипс добива тежина во однос на пристапот на Епл. Иако кинеската компанија Фокскон, производителот на ајфон за Епл, продолжува да гради нови фабрики и да вработува илјадници работници, за да ги прави паметните телефони, таа, исто така, планира да инсталира милион роботи во наредните неколку години, како додаток на работната сила која сега работи. Фокскон не кажува колку работници ќе бидат отпуштени, ниту кога, но нејзиниот генерален директор, Тери Гу, јавно говори за зголемената употреба на овој тип роботи. Говорејќи за повеќе од еден милион работници низ целиот свет, тој во јануари 2012 година, го изјави следново: „Човекот е и животно, а да се менаџираат еден милион животни, тоа за мене е тешка главоболка.“

Зголемената софистицираност на роботите при намалени трошоци за нивно инсталирање, ја отвори дебатата помеѓу економистите и технолозите околу тоа колку брзо работните места ќе бидат непотребни/изгубени. Оваа година, Ерик Бринјолфсон и Андреј МекАфи, економисти при Институтот за технологија од Масечусетс, изјавија: „Темпото и обемот со кој се подриваат човечките вештини е релативно нов, но има длабоки економски импликации.“

Појавата на нискотарифните автомати предизвика револуционерна промена во агротехнологијата во последниот век. Според нив, појавата на нискотарифните автомати предизвика револуционерна промена во агротехнологијата во последниот век, при што во САД, поранешните 40% работници во аграрот, денес се сведени на 2%. Аналогијата не постои само во индустријализацијата на фармерството, туку и во електрификацијата на производството во последниот век.

Бран Ферен, роботичар и индустриски дизајнер во Аплaјд Мајндс во Глендејл, Калифорнија, вели дека е се’ уште недофатлив сонот да се направи универзален робот. „Имав наивно мислење дека универзалниот робот би можел да направи што било. Но, мора да имате луѓе покрај роботите за секој случај, зашто луѓето се многу добри за пронаоѓање креативни решенија во индустриските линии; тоа е се’ уште невозможно за роботите.“

Но, не се работи само за техничките предизвици. Постои и отпор од синдикатите и од организациите кои се загрижени за работните места. Подемот на роботите би можел да значи создавање на помалку работни места, иако повисоките трошоци за работната сила, како и транспортните трошоци низ Азија и стравот од крадење на интелектуалната сопственост, веќе носат дел од работата назад на Запад.

3 arm robot
3 arm robot

Во најсофистицираната роботизирана фабрика, каде производството е 24/365, насекаде гледате само роботи, а многу малку луѓе. Да го земеме примерот од фабриката Флекстроникс во Милпитас, јужно од Сан Франциско. На огромен банер пишува „Ги враќаме работните места и производството во Калифорнија!“ (Во овој момент Кина добива голем дел од пазарот кој се користи во САД, а во исто време ја автоматизира својата индустрија.) Но, и во најсофистицираната роботизирана фабрика, каде производството е 24/365, насекаде гледате само роботи, а многу малку луѓе. Тешките преноси на товар, како и прецизната работа, се прави од роботите. Човекот прави работи како дотерување/кратење на вишокот материјал, средување на навојките за жици и зацврстување на завртки/навртки во едноставна рамка на панелите.

Тие напредни роботи почнуваат да ги трансформираат секторите кои вработуваат милиони луѓе низ целиот свет. Еден од нив е дистрибуцијата, каде роботите се способни за детално и брзо зумирање/одзумирање при пакувањето и се далеку поефикасни од луѓето. Роботите наскоро би можеле да ги заменат работниците во огромните маркети, дисконти и големопродажни центри. Подобрувањата во технологиите за визуелизација и допир (touch screens) создаваат можности за вклучување на мануелните работни места во способностите на роботите. На пример, деловите од авионите на Боинг се дупчат, спојуваат и положуваат со помош на машини кои се движат прецизно и брзо по телото на авионот. Но дури и со тие машини, менаџерите од компанијата велат дека тешко можат да најдат работници за новиот модел 787. Роботите, според тоа, нудат прецизност и се побезбедни за работниците.

Фирмата Ртбаунд Фармс од Калифорнија инсталираше четири роботски раце со прилагодени делови кои се способни нежно да положуваат зелени салати во пакети. Роботите се движат многу побрзо отколку луѓето. Еден робот менува два до пет работници во Ртбаунд. Производителите на роботи од САД велат дека на многу работни места, роботите се веќе поефикасни од луѓето.

Рон Потер, директор на консултантската фирма за роботика, Фактори Аутомејшн Системс, им понуди на слушателите ексел со основни формули, за да пресметаат колку брзо еден робот ќе се исплати. Според еден пример, еден роботски систем, кој чини 250 илјади долари и заменува два машински оператора, заштедува 50 илјади долари за период од една година. При животен циклус од 15 години, машините би му заштедиле на сопственикот 3.5 милиони долари во труд и продуктивност.

Администрацијата на Обама вели дека технолошката промена во роботизираното општество претставува шанса нацијата да остане конкурентна. „Единствен начин да имаме производство во САД е да имаме висока продуктивност“, вели Том Калил, заменик директор во канцеларијата за научна и технолошка политика во Белата куќа.

At Foxconn
At Foxconn

Владини претставници и индустријалци/фабриканти расправаат дека доколку фабриките се автоматизираат, тие се’ уште ќе бидат добар простор за вработување. Ако САД не се натпреваруваат за напредно производство во индустриите како што е конзумерската електроника, тие би можеле да ја изгубат инженерската индустрија на производи и дизајн. Директорите аргументираат дека дури и доколку мануелните работни места бидат изгубени, поефикасното производство би произвело вешти работници во дизајнот, оперативниот дел, како и сервисирање на производствените линии и значаен дел на други работни места во заедниците каде ќе има вакви фабрики.

Производителите на роботи/роботика поентираат дека роботизираната индустрија, сама по себе, создава работни места. Производителите на роботи/роботика поентираат дека роботизираната индустрија, сама по себе, создава работни места. Извештајот од Интернационалната федерација за роботика од ланската година покажува дека 150.000 луѓе се веќе вработени во роботизираните производствени линии, но, американската и европската доминација во наредната генерација на производство е далеку од сигурна. „Она што гледам е дека Кинезите, исто така, инсталираат напредни технологии“, вели Франс ван Хутен, директор во Филипс. „Шансата е да се врати производството назад на Запад, пред тој да се случи таму, на Исток.“

Филипс Електроникс започна да ги прави првите електрични бричеви во 1939 година, а фабриката во Драхтен ја изгради во 1950 година, но г-дин Висер, инженер кој ја менаџира производствената линија, е горд во врска со софистицираноста на новата фабрика. Тие се продаваат за 350 долари и се далеку пософистицирани од смартфоните. Производствената линија од околу 100 јарди (90 метри) е направена од голем број роботи, поставени во стаклосолни кафези, направени од Адепт Технолоџи. Видео камери над кафезите ги водат роботските раце кои земаат соодветен дел за склопување. Рацете виткаат жици со милиметарска прецизност, ставааат тенки игли во многу мали дупчиња, ги земаат минијатурните пластични вртачи, ги поставуваат во куќишта и вметнуваат други пластики на соодветни места.

Вториот дел од обемниот текст од Њу Јорк Тајмс, тука.

Извор: www.nytimes.com