Белешки за електрификација на транспортот во Град Скопје – топологии на напојувања и подстаници | Кирил Минанов

Што е подстаница? 

Се работи за чвор, во електроенергетски систем. Во класична смисла зборуваме за партер ширина и должина, заштитен со ограда, каде можеме да видиме интерконекција меѓу мрежи, жици од една страна, жици од друга страна и медиум на поврзаување помеѓу, потоа, поврзани трансформатори од една и од друга страна, коишто подигнуваат или спуштаат напони и струи со едни велични во други величини потребни на соодветно конзумно подрачје, според тоа, енергијата добива трансформации и се трансформира на разни напонски нивоа. Партерот како подстаница е погодно за работа на инженери во смисла на мерења на напони и струи, активни и реактивни моќи, заштити од форми на кратки споеви, струјни и напонски преоптоварувања, поставување опрема, кранови и тн. Според тоа, во широка смисла, подстаница е поле коешто поврзува и разврзува, заземјува, регулира тек на моќ преку напони или оптимизира ток на моќ. Подстаница за тракција може да се занимава и со компензирачко поле за реактивна моќ, со исправувачки елементи во смисла на тролејбуска и трамвајска мрежа. И исто така, континуиран мониторинг, дијагноза и далечинско управување при испади, и слично.       

Подстаници, скретници, надземни кабли

Изградбата на подстаница е повеќе од 1 милион евра. Една скретница е повеќе десетици илјади евра. Профилирани бакарни водови чинат над десет евра по килограм, а „фидер“ кабли повеќе од десет евра по килограм.

Тролејбуска и трамвајска мрежа
Заеднички подстаници

Трамвај користи еден бакарен вод за влечење напон, позитивен пол, којшто се „обесува“ за столбови, додека како втор, негативен пол, се користат трамвајски шини, а во многу системи и врзани серијски за мрежата, трансформатори коишто го подигнуваат напонот на места коишто се поодалечени од подстаница (трафостаница), каде што напонот „паѓа“, но во исто време, таквите трансформатори ја врзуваат негативната страна со шините, негативниот потенцијал во однос на надземната мрежа, а тоа се прави за да се влечат струи коишто „бегаат“ низ земјата и затвораат круг низ подземна инсталација и со долготрајно дејство прават кородирање на цевки и инсталации.

Кај тролејбуската мрежа, од друга страна и за позитивниот и за негативниот пол се користат бакарни водови коишто се „бесат“, односно „висат“ на столбовите.

Планирање на систем од трамваи и тролејбуси, неминовно повлекува планирање на заеднички подстаници. Тоа е предност при инвестирање во повеќедеценијски проект.

Мрежата е поделена во поголем број секции, а должината на секциите е ограничена поради падовите на напон во мрежата коишто се подигнуваат со нови подстаници или со еднофазни трансформатори за одржување на напон на номинална вредност.

Напојување од
Наизменична мрежа
Еднонасочна мрежа

Тракцијски трансформатори
Помошни трансформатори при тракција
Трафо во подстаници

Фидер трансформатори за еднонасочна тракција се користат за напојување на исправувачи, а се напојуваат од наизменична трофазна мрежа. ДЦ трафо напојува надземен вод за трамвај или тролејбус или трета шина за метро. Исправувачите и трафото се интегрирани како единствен систем во подстаница. Имаат моќ до 1 [MVA] за трамвај и троли. Наизменична мрежа на примар со лепеза од 110/35/20/10 [kV], а на секундар со исправување и до 3000/1500/750/600 [V], со пеглање со кондензатори.

Бустер трансформатори се користат со наизменична мрежа за да ја собираат повратната струја од шините и земјата во повратниот спроводник. Дисперзијата на струите од повратните шини уништува кабли, железни конструкции на мостови, метални цевки, арматури и тн. Создаваат интерференции поради репродукција на електромагнетно поле во метални предмети со коишто доаѓаат во контакт. Електрониката којашто е присутна во сите уреди и распространета насекаде бара инсталација на овој тип на трафо-а коишто ги собираат шините на специјален спроводник до заземјување. Бустер трафо е еднофазно трафо со однос 1:1, со мала импеданса; како напонски мост. Моќ под 800 [kVA], за мрежа под 25 [kV], работат на спектар од фреквенции од 16,67, 25, 50 и 60 [Hz], струи под 800 [A]. Херметички затворен, со масло.

Помошни трансформатори се трофазни трансформатори коишто се инсталираат на бандери долж линијата на трасата на трифазни мрежи и служат за дополнително напојување за тракцијски системи за светло, топлина, друго, како и за репродукција на еднофазен напон за слични потреби.

Изолацијски трансформатор е трансформатор којшто одделува наизменична мрежа од еднонасочни струи коишто се дисперзираат блиску до шини со негативен потенцијал од еднонасочна струја, коишто се во близина на шини со негативен потенцијал коишто се дисперзираат од наизменична струја. Моќ до 10 [MVA], еднофазни од 15 [kVA] до 25 [kVA] и се инсталираат на места кадешто има премин од една напојна мрежа на друга.

Влечни трансформатори се наоѓаат внатре во влечни возила и се користат за напојување на локомотиви и возови. Тракцијските трансформатори за локомотиви и возови, покрај на наизменична мрежа, работат и на еднонасочна мрежа. Покрај намотките за влеча, трансформаторот има високонапонски навивки (примар), навивки за филтрирање, помошни навивки, навивки за грејачи, и тн. Вградените влечни трансформатори се инсталирани во електричното возило според спецификите на барањата за возилата. Влечниот трансформатор е најтешкиот дел од машината. Димензиите на трансформаторот (волумен и маса) мора да одговараат на тешки механички оптоварувања без да се нарушат перформансите на возилото.

магнетни силови линии

кон зеро – историја на макжелезници