Електричните возила на најтивок, а најгласен собир во Скопје | automedia.mk

Кога некој вели дека иднината им припаѓа на електричните автомобили, повеќе никој нема да му поверува. Денес електричните возила беа реалност во Скопје, а ќе бидат и утре и по утре.

Кога овие возила се наоѓаат на собир, поинаку е, многу поинаку. Кога намерник ќе се обиде да лоцира каде точно се одржува нивниот собир на кампусот на ФЕИТ и МФС, тоа сигурно нема да му успее ако ги бара по вревата. Откако конечно ќе се покаже дека собирот е на паркингот веднаш зад анексот, се среќава глетка сосем спротивна од онаа што владее по скопските улиците кои водат дотаму. Десетици возила врват по паркингот, што скутери, што тротинети или квадрицикли, без каква било врева, а уште повеќе без какви било издувни гасови, кои некаде понастрана уште одамна ни го имаат затруено разумот.

Дерењето на V8-моторите во меѓувреме сите го имаат слушнато, денес сите сакаат да „не ги слушаат“ електричните возила

Не е до отсуството на врева од работата на моторите, овој џагор што се слуша на собирот на електричните возила е сосем реален и уште поприроден. Зарем навистина се случува, електричните возила да им го крадат шоуто на големите и тешки теренци и лимузини со „шестоцилиндрични“ мотори од најраните години на тековниот милениум, кои Европа божем ги отфрла и зафрла зошто е богата, а не затоа што применува строги стандарди за заштита на животната средина? И сето тоа е среде македонската престолнина, пет-шест милионското Скопје? Таков е впечатокот за бројноста, кога ќе згусти воздухот.

Компаниите што ги користат возилата на струја имаат постигнато повеќе за осознавањето и прифаќањето на електричниот погон отколку самите трговци.

Во дијагностицираното опкружување е нормално тоа што овие е-апостоли се гордеат со своите електрични возила, без разлика дали се работи за електричен тротинет, велосипед или суперавтомобил. Можеби луѓето и не се гордеат, поверојатно е дека ние што немаме електрично возило им завидуваме.

Повеќе фирми го вклучуваат електричниот погон во својот имиџ: Застапништвата на автомобилските марки уште доцнат

Организаторите со оваа манифестација ја поставуваат сцената на електромобилноста во Македонија. А, кругот околу сцената се затворил совршено во изминативе пет години, од првиот Е-полигон. Сопственици и корисници на електричните возила денес се големи компании, како ЕВН Македонија или ПроКредит Банка, за коишто манифестирањето одговорност кон животната средина има клучна улога во градењето на имиџот пред корисниците. Истото важи и за приватни бизниси коишто преку електричниот погон постигнуваат поголема видливост во својата сфера на делување, како секогаш авангардната Сатра.

Истражувачкиот кадар во МАНУ со пионерска улога во електромобилноста: Приватното електрично возило на м-р Александар Дединец, од истражувачкиот центар за енергетика и одржлив развој при нашата најеминентна научна институција

На собирот со свои возила присуствуваа и уште десетици техно-авантуристи, изумители кои одгледуваат генијалност во своите гаражи, подруми или дворови, секаков вид на електро пионери, активисти во заштитата на животната средина, па дури и по некој член на македонската научна елита, што би требало да изненади најмалку кога е во прашање електричниот погон.

Електричниот погон е секојдневие по улиците, од автобусот на линија 15, до е-тротинетите што се среќаваат на секој чекор

Официјалноста на настанот беше потврдена со обраќањето пред медиумите на скопскиот градоначалник Петре Шилегов, претседателот на управниот одбор на ЕВН Петер Штефан и главиот извршен директор на Македонски Телеком Никола Љушев. Прочуениот електричен автобус на линија број 15 ја демонстрираше примената на чистата погонска технологија во подрачјето за коешто јавноста најмногу навива за помасовна примена на електричниот погон.

Автобусот прв допатува до крајното одредиште и ја мина Порта Македонија, откако појде од кампусот со целосно искористен превозен капацитет, што говори за големиот интерес и за љубопитноста околу електричниот погон. Најголемиот спектакл сосем очекувано му припадна на Tesla Model X, а одушевеноста најбурно ја манифестираа десетината дечиња. Едно од нив во целата мешаница извика нешто што ќе се спомнува уште долго време: „Кога ќе пораснам ќе се вработам во Телеком, замо заради електричните автомобили“. Во која точно компанија ќе работи младиот електроентузијаст е речиси невозможно да се предвиди, но едно може да биде сигурно. Овие десетина дечиња е сосем извесно дека првите километри со својата возачка дозвола ќе ги направат во автомобил со електрифицирана погонска спрега.

This slideshow requires JavaScript.

Честитки за организацијата за електрични возила Е-мобилност. Ако Македонија во нешто заостанува најмалку зад западноевропските земји, тоа е во свеста за електромобилноста. И сцената во меѓувреме е заокружена, сите субјекти се ангажирани во промовирањето на електричниот погон. Во уживањето во придобивките во погонот на струја, исто така. Во разговорите дознавме дека некои од нив за полнењето на батериајта на својот квадрицикл трошат по 30 денари месечно. Потребно е „само“ уште да расте нивниот број.

This slideshow requires JavaScript.

извор: automedia.mk

(настан) Е-полигон #5 и Е-конвој #1

комбо

Електромобилност Македонија во соработка со Град Скопје како дел од „Европската недела на мобилност“ под мото „Комбинирај и движи се“ на 20 септември 2018 година (четврток) на кампусот технички факултети – Факултетот за електротехника и информациски технологии и Машинскиот факултет – Скопје, со почеток од 10:00 часот организира „Електричен полигон 5“ и „Електричен конвој.“

Е-полигон е едукативен час за ученици од основни и средни училишта со тема електрични и хибридни возила и загадување.
Почеток на е-полигон #5 во 10:00 часот.

Возилата присутни на е-полигон ќе се придвижат како Е-конвој од кампусот факултети низ централното градско подрачје по дефинирана траса.
Движење на е-конвој #1 во 12:00 часот.

Ги повикуваме сите сопственици на електрични и хибридни возила од сите рангови, имено, е-тротинет, е-велосипед, е-картинг, е-цикли, е-мобил, е-пикап, е-бус, други, да се вклучат во е-кампањата за видливост на електричните и хибридни возила во македонското општество, без оглед дали возилата се во сопственост на приватни физички субјекти или правни лица, јавни претпријатија, корпоративни возила, други.

Ве очекуваме!
Рути на движење.
Рута 1 за е-тротинет, е-картинг, е-вело.
Рута 2 за е-мобил, е-бус, хибрид, плаг-ин возила.

Медиуми се поканети и на двата настани.

Покрај Град Скопје, поддршка на настанот како и излагања со апарати и возила ќе имаат: ЕВН, Телеком, Toyota Авто Центар, Прокредит Банка, Фибернет М-К, ЈП Паркинзи, ЈСП, ФЕИТ, МФС, иноватори и ентузијасти поддржувачи за Е-мобилност Македонија.

патека на движење на електрични и плаг-ин возила низ градски улици е-конвој #1
патека на движење на електрични плаг-ин хибридни возила низ градски улици е-конвој #1

Линк  GPRS мапа од јавна инфраструктура на полначи.

GPS координати на станици за полнење
GPS координати на станици за полнење

Иницијативи за бесплатен паркинг, бесплатни патарини и конверзија на лесни електрични возила до Општина Центар, Совет на Град Скопје, Влада на РМ

Електромобилност Македонија продолжува со своите активности во насока на приближување на електричните возила до граѓаните на нашата држава. Во таа насока се и последните иницијативи до Општина Центар, до Град Скопје, до Влада на РМ, во прилог.

До Општина Центар испративме писмо, архивирано, во коешто бараме овозможување на бесплатни паркинзи за сите електрични и хибридни возила на сите отворени паркинзи и гаражи низ центарот на градот.

До Совет на Град Скопје доставивме писмо, архивирано, во коешто предлагаме иницијатива за субвенционирање при набавка на електрични велосипеди и електрични скутери, преработка во електрични велосипеди и електрични скутери и бесплатни паркинзи за електрични и хибридни возила низ Скопје.

До Влада на РМ, до Заменик претседател на Влада на Македонија, Проф. д-р Кочо Анѓушев, испративме писмо (11 септември 2018) во коешто ја освежуваме иницијативата за ослободување од плаќање на патрини за електрични и хибридни возила.

Инфографик од Студија за секторот транспорт, анализа на политики и мерки СТУТРА | МАНУ и ОН (UNDP)

 Инфографик - Студија за секторот транспорт, анализа на политики и мерки 1
Инфографик од Студија за секторот транспорт, анализа на политики и мерки СТУТРА 1
 Инфографик - Студија за секторот транспорт, анализа на политики и мерки 2
Инфографик од Студија за секторот транспорт, анализа на политики и мерки СТУТРА 2

 

(download) Инфографик pdf 

(download) Студија за секторот транспорт – анализа на политики и мерки СТУТРА | МАНУ и ОН (UNDP)

 

Соопштение за јавност: Електрификацијата на транспортот е трајно решение

По информацијата за набавка на автобуси на гас, планирана од Град Скопје за 2019 година, како Организација за електрични возила во Македонија одлучивме, да се јавиме во јавноста со соопштение.  

…………

Ја осудуваме набавката на автобуси на гас за Град Скопје, затоа што свесно и со јавни средства, се игнорира фактот дека нафтените деривати се во директна врска со малигни и немалигни заболувања, а од друга страна, трошоците во вкупниот животен циклус на автобуси на гас е далеку поскап од трошоците на животниот циклус на електричните возила.

Електрификацијата на транспортот е трајно решение. Чувствуваме одговорност да го потсетиме градоначалникот на Град Скопје г-дин Шилегов, дека имаме право на чист воздух! Граѓаните го заслужуваат тоа и поради тоа предлагаме ефтино диверзифицирано решение, како целина од композиции со електрични автобуси во комбо со тролејбуси и лесен електричен трамвај.

За електричните автобуси, инфраструктурно, ќе биде потребно инсталирање на јавни полначи на стратешки позиции во градот. За тролејбус, инфраструктурно, ќе биде потребно инвестирање во ре-електрификација. За лесен електричен трамвај, инфраструктурно, ќе биде потребно инвестирање во ре-електрификација со мрежи во мрежи и шински линии, денивелација (без вкрстување со уличниот сообраќај), трафо станици, депоа, двоен колосек на клучни траси; до 50 километри. Шинскиот градски електротранспорт ќе се поврзе со инфраструктурата на Македонски железници. Според физибилити студијата од пред десетина години изработена за Град Скопје, лесен електричен трамвај би можел да се развива на најфреквентни линии.

Електричните автобуси како и тролејбусите, ќе ги користат веќе постоечките булевари за комутација. Сервисирањето на комплетната палета на електрично влечните возила ќе може да се сопостави во интегриран електровлечен систем. На пример, за среднонапонската мрежа за тролејбуси и трамвај, ќе бидат задолжени инженерите од МЕПСО, јавната државна полначка инфраструктура и депоа, ќе бидат обврска на ЈСП, мали и средни компании ќе се вклучат во сервисирање на опремата итн. Ќе биде потребно инвестирање во кадрите коишто ќе управуваат и ќе ги сервисираат електричните возила, со сериозно покачување на плати, со обуки и стимул.

Лесен електричен трамвај (light electric tram) се користи во шпанскиот град Билбао. Решението од Ница – Франција, е со инсталиран трамвајски систем без надземна мрежа за напојување, со индуктивно подземно напојување за време на запирањата на трамвајот. Тролејбуси се користат во многу европски градови.

Доколку ги споредиме трошоците за двете решенија во животен циклус од десет години, за електрични автобуси и автобуси со мотори за внатрешно согорување, на вагата ќе ги вкалкулираме, просечната потрошувачка за поминати километри за десет години со апроксимирана споредба на цени на електрична енергија а пропо набавка на гас, амортизациони и сервисни трошоци за одржување на автобускиот парк во двете варијанти, ефектот врз здравјето со и без скриениот трошок којшто се префрла на граѓанството како лекови и терапии во делот од јавното здравје за спектар на болести поврзани со нафтените деривати. Но, кога станува збор за електрични возила, споредбата на сите аспекти може да се прави на периоди поголеми од дваесет години, имено до 40 години, во исто време имајќи во предвид дека пред неколку години веќе плативме најмалку 40 милиони евра за фијаското со даблдекерите. Процесите на топлење и ладење на животната средина како и намалувањето на бучавата на минимум, во дневните и ноќни часови, исто така.

Решение со електрични возила како визионерски и пи-ар импулс за градот е трајно и поефтино, а десетте милиони евра за автобуси на гас, по завршувањето на животниот циклус по десет години, ќе бидат поголеми од дваесет милиони евра, со напомена, притоа да заборавиме на ефикасноста на моторите со енергетика на топлина споредена со супериорноста на електромоторите кои се возат на електромагнетната енергија.

Во Електромобилност Македонија сметаме дека на среден рок од 10 години, електричните автобуси се најсоодветно и најразумно решение за Град Скопје. Јавниот електричен транспорт во отровните зимски денови предлагаме да биде бесплатен. Дополнително, граѓаните ќе бидат стимулирани да ги остават автомобилите и да користат ефтин електротранспорт во сите годишни времиња во комбинација со идејата за велосипедски и пешачки град, субвенционирани е-цикли под 50 кубни сантиметри, итн.

Граѓаните се свесни дека набавката на даблдекерите со јавни средства од претходната власт беше стратешка грешка. Најмалку 40 милиони дизел евра согореа низ дишните патишта на граѓаните во животен циклус од само два мандати на г-динот Трајановски. Сметаме дека и одлуката за набавка на автобуси на гас е лоша и според тоа, се обраќаме до г-дин Шилегов и до советот на Град Скопје, со коректна молба, во името на здравјето на граѓаните, да ја преиспитаат набавката.

Драг господине Шилегов и драги советници, очекуваме во Скопје, од пролет 2019, да се возат најмалку 20 (дваесет) ефтини електрични автобуси, а во пролет 2020, дополнително уште 30 (триесет). Во наредните 15 (петнаесет) години или 4 (четири) градоначалнички мандати, по предложената прогресија, ЈСП би управувала со автобуски возен парк од 150 до максимум 200 електрични автобуси и/или 50 до 100 тролејбуси, единечни и/или дупли, со завршена проектна документација за лесен електричен трамвај со изградба на првите 10 километри од трасите и визија со скица за метро. Полначката инфраструктура за автобусите мора да биде таква што ќе зафаќа поширока палета на стандарди и нема да биде ограничена на еден производител.

Субјектот Град Скопје не е сопственик на фабрики за производство на електрична енергија и поради тоа, градските власти не смеат, во формулата за електрификација на транспортот да се грижат за аспектот на аерозагадувањето гледано во точката каде што се троши електричната енергија. Доколку власта размислува во рамка на енергетска сиромаштија, тогаш ги виктимизира сите граѓани кои вклучуваат потрошувачи на мрежата на дневна основа во своите домови. Процесот на производство на електрична енергија и загадувањето во точката на производство, не можат да бидат доведени во релација со електрифицирање на транспортот, со оглед на либерализираниот пазар на електрична енергија и можноста да се „купи“ електрична енергија произведена во нуклеарни, термо, гасни, комбинирани или други централи кои се оддалечени на илјадници километри од Македонија. Процесите на производство, дистрибуција и потрошувачка, се одвиваат во законска рамка на неолибералната/ордолибералната дерегулација и аерозагадувањето од фабриките мора да се решава со процеси кои нема да го кочат електрифицирањето на јавниот транспорт, поради „животот“ и „иднината.“ Од друга страна, поддржуваме радикални инвестициски циклуси во македонски ветрогенераторски паркови ала „Богданци“, хидроцентрали во широк спектар, фотоволтаични фарми и проектот за 100.000 (сто илјади) соларни панели за домаќинства, поддржуваме субвенции за електрични возила итн.

Прашања за јавна дебата: Колку чинат лековите за граѓаните заболени од инхалирање нафтени деривати? Што со алергените при инхалација на нафтени деривати кај деца, астматичари, дијабетичари, сограѓани од трето доба? Дали сте запознаени со информацијата на истражувачи социолози дека поради аерозагадувањето, веќе има случаи на граѓани кои трајно се отселуваат од Република Македонија? Дали не е време да се воведе ЗЕЛЕНА ТАКСА од минимум 1 денар до максимални 3 денари за сите возила со мотори за внатрешно согорување по купен 1 литар гориво или 1 до 3 денари по изминат соодветен број на километри? Имено, ЗЕЛЕНАТА ТАКСА ќе полни фонд од каде што ќе се црпат средства за електрификација на транспортот.

Во исто време, ја осудуваме било која јавна набавка од институции, на ниво на Влада, општини и јавни претпријатија во цела Македонија, за возила коишто не се електрични, како примерот со набавките од минатата власт на дизел локомотиви за Македонски железници, како и тендерот за 40 возила со мотори за внатрешно согорување за потреби на Владата во овој момент, за фантастични 1,7 милиони евра како непотребен трошок за јавни службеници, кои ќе мора да се научат да користат јавен транспорт и да креираат чувство за трошењето на јавните средства на граѓаните.

Не е предоцна за да се стопираат ваквите катастрофални процеси доколку постои прагматичен здрав разум.

…………

агрегатор1
агрегатор1
агрегатор2
агрегатор2

визуелни информации+
https://bit.ly/2uGLymL
https://bit.ly/2LE77ea
https://bit.ly/2zZuJID
https://goo.gl/nEfr23