Го споделуваме ова видео, како предлог за размислување за електрификација на транспортот во Град Скопје, но не само Скопје туку и низ цела Македонија, со електрични автобуси, компанијата со решението е канадска, имено ТМ4 <<< link.
за трола се потребни 2 жици горе, како пипци на бубачка, што значи и соодветно бесење на надземна мрежа низ булевари. за шини може како за шински систем, вод со пантограф што влече, а повратната оди од шини назад, низ земја до електровлечна подстаница.
Додека ЈСП кубури со решенија коишто не се трајни, време е да се погледне во тролејбуски и автобуски системи исклучиво со електричен погон, би било адекватно да се влече трола, затоа што и во зима и во лето, надземниот вод ќе си доставува напон без оглед на атмосферските услови, но секако, таквото решение, без носач на промената, имено со трамвајски систем, шински електричен транзит којшто би опфаќал од 60 до 70 посто од превозот, не е можен.
обично автобусите и тролејбусите денес се со по два електромотори по примерот на скопскиот електробус од чариот моторс којшто имаше 2 x 60 киловати, со по еден инвертор за секој мотор, еден мотор еден инвертор, два мотора два инвертора
идејата за даблдек електричен за скопје е одлична со оглед што имаме во јсп машини што дремат на паркинг како неупотребливи; сепак, проект од овој тип е сериозна работа, но можна. потребна е работилница, два автобуса за тестен развој, одлука дали со надзмен вод или батеријско напојување, ако е батерии тоа значи смислување на стратегии за полнење и полначки станици и одржување на батеријски систем, а ако е надземен вод, тогаш со подстаници и тн.
надземен вод е подобро решение.
Пишуваме за електрификација на двоспратниот Итонг, какви што има над 200 во Скопје. Ако се додаде во пакетот и интелигентна трола, којашто би ја имало или во целост или само на рамни делници на траса и која по потреба може да се напушта и по правец и заради заобиколување препреки, тогаш имаме оптимално решение ако решиме да ги ре-искористиме автобусите.
Во случај на трола, тоа тогаш ќе овозможи инсталирање на намален капацитет на батерии или кондензатори, кои се и најскапиот дел на преправката.
Со TM4 како канадска соработка, сега и американски DANA, партнер којашто ја превзеде ТМ4, може да разговараме за пакетот на погонот. Батериските блокови планираме да ги асемблираме од кинески ќелии, овде. Планирано е да се инволвираат повеќе ентитети во хоризонтално партнерство на паритетна основа: Град Скопје, ЈСП, Електро и Машински факултети, студенти, волонтери и заинтересирани компани, на основа на интерес од различен вид, и стручен и бизнис и образовен.
Целта на проектот: Комплетна техничка документација за преобразувањето со сите технички останати детаљи, решение батериски-кондензаторски модули, трола, софтвер итн. Следно би било преправка на два автобуса коишто се оставени на страна како неиспаравни, атестирање на тие возила по преработката и пробно возење од една година со следење на функционалноста. После тоа одлука ДА-НЕ за влез во сериозни разговори за покренување на цела територија поврзана со репродукција на електрични автобуси. Во меѓувреме правење и на бизнис план за последователна преправка во континуитет на преостанатиот дел на флотата.
Предлог на група за електрична влеча при Електромобилност Македонија
