Предавање на Ана Пејчинова за Граници во движење: Топографии на мобилност и правда, за бегалците од војните во Афганистан и Сирија, во годината на кризата на хуманитаризмот – 2015. Повлекувањето на НАТО армиите ги враќа на сцена претходните конфликти во Афганистан, коишто никогаш не престанале, затоа што Афганистан е земја на континуирани конфликти со низок интензитет, а не е земја на континуиран мир и кратки дисконтинуитети на војни, таму се талибанските милитантни фракции, Паштунци, Хазари, Узбеци, Таџики, Туркмени, Нуристани, Ајмаци, Балочи, Памири и тн.
Крунското прашањето е што направија НАТО армиите, вклучувајќи ја и Македонија во последните 20 години окупација на Афганистан; дали се направени патишта и системи за чиста и отпадна вода, дали е направена железница, мостови и дали има доволно производство на електрична енергија, дали се формирани училишта и дали е обезбедена безбедност за населението, дали е добро организиран животот на Афганците, дали има систем на судови и тн. по децениските војни со колонијалистичките политики на Англија, Русија, НАТО.
Да се потсетиме на зборовите на Ана Пејчинова и да не заборавиме што прават НАТО армиите вклучувајќи ја и АРМ во земји коишто воопшто не ги познаваат. „Добра вест“ е што сите колонијалисти сфатија дека Афганистан не може да се владее со сила, како што тоа се покажа на пример со Виетнам, но и со многу други земји и дека афганскиот народ сам мора да ја гради сопствената држава. Проблемот е секако со одвратната НАТО солдатеска којашто направи три катастрофални удари, со влезот и окупацијата, фактичката окупација без да се вложува во инфраструктура во овие дваесет години и да се изгради Афганистан како нормална држава и последниот овие денови со кукавичкиот излез и оставање на афганскиот народ на цедило, удар со нож во грб. Да не заборавиме дека 1 ден окупација на земји како Афганистан или Ирак ја коштаат америчката војска од 500 милиони до 1 милијарда долари дневно одржување и мелење во празно, пари коишто би значеле доста ако биле вложени во инфраструктура, а на тоа да ги додадеме загинатите војници во Афганистан, околу 2000 Американци и околу 450 Британци за 20 години.
Дали беше потребна оваа гнасна авантура и за Македонија? Ќе чуеме ли од АРМ и Минодбрана каква е придобивката за македонското општество од оваков тип на гадна окупација?
#refugees #afganistan #refugeeswelcome
