Најголемиот брод напојуван со соларна енергија го направи првото крстарење околу светот поминувајќи 60.000 километри. 60 тонскиот Катамеран кој е долг 31, а широк 15 метра, може да обезбеди околу 103,4 kW соларна енергија за напојување на моторот, кому реално се доволни 20 kW за да постигне просечна брзина од 8 чвора или 9 милји на час, поточно 15 километри на час; сепак може да „плива” и двапати побрзо.
За да се постигне комплетна ефикасност на фотоволтаиците, сите панели се продолжени до рабовите на бродот. Цената е фрапантна, имено 18 милони евра. Бродот е граден во Киел, Северна Германија и е изграден и пуштен да плови 14 месеци по изградбата.
Компанијата SunPower обезбеди околу 38000 „црни“ фотоволтаични келии кои имаат ефикасност од околу 22%, за кои во компанијата сметаат дека се најефикасни во светски рамки во сериско производство.
Проектот е конципиран од Рафаел Домјан, граѓанин на Швајцарија, кој заедно со Жерар де Абовил го направија првото патување со соларен брод околу светот. Нивното патување заврши на 4 Мај 2012.
Сепак, да не заборавиме дека првите освојувања на континентите се направени со бродови; исто така забораваме колку „чисти“ или ЦО2 нула можат да бидат тие патувања. Денес, бродовите иако се најбитниот начин за транспорт на стоки, тие допринесуваат со околу 6% од загадувањето на околината со ЦО2 или во бројка, 1,4 милијарди тони ЦО2.
Извор: interestingengineering.com
