Белешки за електрификација на транспортот во Град Скопје – електромагнетни бранови | Кирил Минанов

Раздвојување на електромагнетниот бран на компоненти кај машини во електроенергетскиот систем е лесно објаснив, како електричен дел којшто е директно поврзан со поток којшто тече низ бакарни навивки, а сите компоненти коишто се поврзани со реактивна моќ како железо и изолација при репродукција на магнетно поле се поврзани со напон, и напон и кај електростатско поле.

Жица на индуктивитет и плочи без диелектрик кај кондензатор се електричен дел на кола, а железо во трансформатор и челични ламинати во вртлива машина околу и кај коишто се намотани електрични жици се магнетен дел на коло во етерот на стварната рамка како природа на електромагнетно простирање.

Трафо репродуцира и активна и реактивна моќ, без оглед на величина и фактор на моќ на товар, и иако и вртлива машина репродуцира и активна моќ и реактивна моќ, кај мотори се користи само активна компонента од моќ којашто се трансформира во механичка моќ како полезна работа, во рамка на индустријска цивилизација од XX век. 

Визуелна мисија на граница со стварноста

Зголемено консумирање на активна моќ ја намалува фреквенцијата во системот.

Зголемено конзумирање на реактивна моќ го намалува напонот во системот.

Кондензатор со голем капацитет се користи на места каде што е потребно подигнување и ,,држење” на напон на соодветна величина и компензирање на реактивна моќ поради дефазирање или визуелно, се работи за просторно поместување во кумулативен бран помеѓу бран на струен вруток и бран на напон, а во процесот се репродуцира електромоторна сила.

Индуктивитет со голем капацитет се користат на места каде што е потребно ,,држење” на струја на соодветна величина со компензирање на реактивна моќ поради дефазирање во бран помеѓу електромоторна сила и струен вруток или визуелно, се работи за просторно поместување во кумулативен бран помеѓу бран на напон и бран на струен вруток.

Во кола, полесно е да се обезбеди константен напон, отколку константна струја.

Најголем дел од товарите во системот се отпор-индуктивни и затоа тука пишувам само за магнетно поле, а не за електростатско поле, коешто исто така е реактивно, кај кондензатори.

Зошто реактивно поместување кај електромоторна сила и електричен бран од индуктивитет со магнетно поле, се решава со елементи коишто создаваат електростатско поле коешто по природа не е исто со поле од индукција, затоа што се работи со различни просторни диспозиции и дисторзии на атомско јадро низ просторот? Не сум читал истражувања коишто укажуваат на симетрични резонанци меѓу хармоници коишто меѓусебно си влијаат внатре во системот по линија на парови полиња со иста природа на поле; разлики меѓу природа на електростатско и магнетно поле, според тоа, ставам знак на прашање за теза, но ако ништо друго барем да побарам дали има истражувања за.

Но, да продолжам, според тоа, загуби во електричен дел се по квадрат на струја според универзална равенка за моќ во електроенергетски систем, а кај магнетен дел, загуби зависат од електромоторна сила.    

Моторите се конструираат да работат со константна брзина на вртење и со константна моќ. Електромагнетниот бран низ полупроводнички елементи има брановидна формацијска структура.

Векторска контрола е контрола на моќ или контрола на поле, каде што реактивен елемент преку навивки во мотор контролира поле, а активна моќ контролира момент. Векторска контрола се користи кај двигатели со променлива фреквенција со индукцијски мотори коишто работат на фреквенции различни од системска фреквенција.

Статор добива трифазен наизменичен напон. Се репродуцира наизменичен флукс во статорски навивки поради наизменично напојување. Флукс се движи со синхрона брзина, бран се движи заробен во круг во навивки. Вртлив флукс формира временски променливо ротирачко магнетно поле.

pic.twitter.com/SYBshVt6Qv

— dave 🐝💣 (@beesandbombs) June 3, 2019

Поле во статор и поле во ротор, коишто формираат резултантно поле меѓу индукт-индуктор, се движи едновремено. Сепак, колку и да се третира резултантно поле како временски променливо со иста резултантна брзина, ако системот на полиња се гледа како просторно изолиран, вкупното поле е неподвижно.

Трансферзален бран се бранува во статорот и индуцира бранување во роторот. Бранувањето на брановите на водата ги вознемируваат воздушните маси над водата и водените маси под површината на водата да се брануваат во ритам на подем и пад и повторното подем и пад на бранот. Полето во статорот индуцира струја во роторските навивки, а кај кафезните ротори во прачките и според ленцовото правило на десна рака, во прва просторна димензија се бранува флукс, во втората просторна димензија се индуцира бран на струја, а во третата просторна димензија се бранува напон, коде што се формира електромоторна сила, кадешто сите величини се изместени во простор под агол од 90 степени и репродуцираат кумулативна тродимензинална форма. Додавање на четврта димензија го дава променливото временско бранување на флуксот, струјата и напонот врзани во електромоторна сила, коишто пулсираат во синусни подеми и падови поради половите на роторските и статорските навивки кај синхрон генератор на страна на класичниот начин на репродукција на ел. енергија.

Стационарно магнетно поле се всушност силови линии коишто се „оптегнуваат“ помеѓу полови на магнет како праволинијски проектирани струни, за разлика од синусоидално временски променливо магнетно поле коешто не се бранува како бранување на вода затоа што вода де-факто тече, а магнетно поле формира згуснувања и опуштања на патеки по коишто се проектира флукс.

кон 15 дел – електромагнетни бранови
кон 14 дел – енергетска електроника
кон 13 дел – електрична влеча – локомотиви
кон 12 дел – контрола и управување на микромотори
кон 11 дел – топологии на напојувања и подстаници
кон 10 дел – формули
кон деветтиот дел – ЛРТ мастер план
кон осмиот дел – инженерски антиупатства
кон седмиот дел – тракција и формирање трака
кон шестиот дел – култура X
кон петтиот дел – возила и безбедност
кон четвриот дел – пантограф и троли
кон третиот дел – траси
кон вториот дел – шински систем
кон првиот дел – мотори
кон зеро – историја на макжелезници