Железничката мрежа е составена од едноколосечна пруга по која сообраќаат возови од двете насоки.
Должината на железничката мрежа во Македонија изнесува 925 километри, од кои:
отворена пруга 699 километри,
станични колосеци 226 километри,
индустриски колосеци 102 километри.
Железничката инфраструктура во Македонија располага со 327 километри електрифицирана пруга со колосеци, од кои 234 километри главна пруга. Пругите на територија на МЖ се електрифицирани со монофазен систем, со наизменичен напон од 25 [kV] на 50 [Hz].
Квалитетот на понудената електрична енергија се обезбедува со четири електровлечни подстаници: Миладиновци, Драчево, Згрополци и Милетково. Има и седум неутрални постројки, што овозможуваат селектирање на електрифицирани делови од пругата и обезбедување на минимум делови што можат да останат без напон, со активирање на постројките за секционирање во станиците.
Системот за далечинско управување, Телекоманда на влеча, овозможува целосен надзор и осигурување на секционирање. Овој систем врши контрола и управување на напонските состојби во сите делови на контактната мрежа од едно централно место.
Последно изведена електрификација на пруга е делот од пругата Маџари – Скопје Југ како и станицата Скопје Југ.
извори
мрежа на електрификација
објава на мрежа 2019
mz-rail
mzt.mk
